IT Kampong Cham: N.politic

Showing posts with label N.politic. Show all posts

សុខៗក្រុមហ៊ុន Pioneer កំពុងសម្ងំផលិតឌីស Blu-ray មានទំហំដល់ទៅ 512GB

By Unknown 0 comments 6:52 PM

យីពិតជាមិនធម្មតាមែនជាមួយក្រុមហ៊ុន Pioneer របស់ជប៉ុនដែលកំពុងសម្ងំស្ងៀមដុតដៃដុតជើងផលិតឌីស Blu-ray មានទំហំធំជាងគេបំផុតដល់ទៅ 512GB ហើយទើបតែសប្ដាហ៍នេះទេ ដែលក្រុមហ៊ុនបច្ចេកវិទ្យាធំមួយនេះចេញសេចក្ដីប្រកាសជាផ្លូវការមួយថា ខ្លួនបានកំពុងច្នៃប្រឌិតឌីស Blu-ray ជំនាន់ថ្មីអោយមានទំហំផ្ទុកទិន្នន័យកាន់តែធំដល់ទៅ 512GB ឯណោះក្នុងឌីស 1 ជាមួយល្បឿនលឿនអស្ចារ្យ។

ឌីស Blu-ray ជំនាន់ថ្មីរបស់ Pioneer ដែលកំពុងស្ថិតនៅក្នុងការផលិតនោះបានប្រើប្រាស់បច្ចេកវិទ្យាថ្មីមានស្រទាប់ច្រើនដំណាក់ដល់ទៅ 8 នៅក្នុងឌីសតែមួយ ខុសពីឌីសធម្មតា ជាហេតុធ្វើអោយវាអាចផ្ទុកទិន្នន័យពីមួយស្រទាប់ទៅមួយស្រទាប់បានក្នុងទំហំធំ 32GB ដូច្នេះឌីសជំនាន់ថ្មីនេះ 1 សន្លឹកអាចផ្ទុកឯកសារបានច្រើនដល់ទៅ 256GB ហើយកាន់តែពិសេសជាងនេះទៅទៀតនោះគឺវាមានបំពាក់មកជាមួយនឹងបច្ចេកវិទ្យា Dual-sided ដែលធ្វើអោយឌីស 1 អាចប្រើប្រាស់បានទាំងសងខាងធ្វើអោយវាផ្ទុកទិន្នន័យបានដល់ទៅ 2 ដងក្នុងទំហំ 512GB ដែលទំហំនេះគឺធំមែនទែនហើយក៏មិនធ្លាប់មានពីមុនមកផងដែរ។

ចំនែកម៉ាស៊ីនចាក់ឌីស Blu-ray គឺមិនត្រូវធ្វើការផ្លាស់ប្ដូរជាចាំបាច់បំផុតនៅពេលដែលឌីស Blu-ray ធ្វើការផ្លាស់ប្ដូរ ព្រោះម៉ាស៊ីនស៊េរីចាស់មិនអាចធ្វើការ Read និង Write ទៅលើឌីសស៊េរីថ្មីបានទេ តែសម្រាប់ឌីស Blu-ray ដែលក្រុមហ៊ុន Pioneer កំពុងផលិតនេះគឺវាអាចប្រើប្រាស់បានជាមួយនឹងម៉ាស៊ីនស៊េរីចាស់បាន ដោយប្រើប្រាស់ Firmware Update ទូទៅរបស់ឌីស។ សម្រាប់ថ្ងៃប្រកាសចេញលក់ក្នុងទីផ្សារគឺមិនទាន់បញ្ជាក់ប្រាប់អោយដឹងនោះទេ ហើយ Pioneer ក៏ជាដៃគូប្រកួតប្រជែងយ៉ាងធំជាមួយនឹង Sony និង Panasonic ផងដែរក្នុងការផលិត Blu-ray ដែលមានទំហំធំបែបនេះ។

ក្រុនហ៊ុន Microsoft បើកមជ្ឈមណ្ឌលស្រាវជ្រាវច្នៃបង្កើតថ្មីក្នុងក្រុង Miami ដំបូងគេ

By Unknown 0 comments 6:58 AM

Microsoft មានគម្រោងបើកមជ្ឈមណ្ឌលស្រាវជ្រាវច្នៃបង្កើតថ្មីនៅលើទឹកដីអាមេរិកក្នុងក្រុង Miami ដែលគម្រោងនឹងចាប់ដំណើរការនៅចុងខែឧសភានេះ។ ដោយយោងតាមរបាយការណ៍ពីសារព័ត៌មាន abcnews កាលពីពេលថ្មីៗ។

ប្រភពដដែលឱ្យដឹងទៀតថា ក្រុមហ៊ុនដែលទើបទិញយក Nokia បានសម្រេចនេះ មានមហិច្ឆតាចង់បើកជាមជ្ឈមណ្ឌលជំនាញខាងស្វែងរកគំនិតច្នៃប្រឌិតថ្មីៗដើម្បីជួយបង្កើនសក្ដានុពលឱ្យក្រុមហ៊ុនកាន់តែខ្លាំងនៅលើទឹកដីក្រុង Miami ដំបូងគេ។ មជ្ឈមណ្ឌលថ្មីនឹងគាំទ្រលើផ្នែកធនធាន និងបច្ចេកវិទ្យា ដើម្បីជំរុញការអភិវឌ្ឍសេដ្ឋកិច្ច ការសហការ ការដូចជាផ្ដល់ឱកាសដល់មនុស្សមានសមត្ថភាពអាចបម្រើការស្មើនឹងការរៀនសូត្របន្ថែម។

គួរបញ្ជាក់ថា សរុបមជ្ឈមណ្ឌលធំៗផ្នែក innovation របស់ Microsoft សព្វថ្ងៃមានប្រហែល ១០០កន្លែងហើយកំពុងដំណើរការយ៉ាងសកម្ម ក្នុងប្រទេសប្រមាណ ៨០ប្រទេស ជុំវិញពិភពលោក។ នេះគឺយ៉ាងតាមប្រភពអះអាងបន្ថែម។ តាមរយៈមជ្ឈមណ្ឌល innovation នេះនឹងផ្ដល់ឱកាសដល់និស្សិត អ្នកអភិវឌ្ឍកម្មវិធី ក៏ដូចជាអ្នកជំនាញ IT អាចចូលបម្រើការដើម្បីបញ្ចេញសមត្ថភាពនៅទីនោះបាន៕

សហរដ្ឋអាមេរិកប្រកាសឲ្យផ្អាកប្រើកម្មវិធី Internet Explorer ព្រោះមេរោគវាយប្រហារខ្លាំងពេក

By Unknown 0 comments 6:00 PM

ក្រសួងសន្តិសុខមហាផ្ទៃអាមេរិកកំពុងចេញសេចក្ដីណែនាំដល់ពលរដ្ឋអាមេរិកឲ្យផ្អាកប្រើប្រាស់ Internet Explorer Web browser (IE) រហូតដល់ក្រុមហ៊ុន Microsoft អាចដោះស្រាយបញ្ហាចន្លោះប្រហោងសុវត្ថិភាពសិន បន្ទាប់ពី hacker បានវាយលុកមេរោគចូលក្នុង IE។

មេរោគនេះត្រូវបានរកឃើញកាលពីថ្ងៃសៅរ៍កន្លងទៅនេះដោយ FireEye Research Labs ដែលជាក្រុមហ៊ុនបង្កើតកម្មវិធីកម្ចាត់មេរោគ Internet Security Software មានមូលដ្ឋាននៅរដ្ឋកាលីហ្វ័រញ៉ា។

ដំណោះស្រាយនាពេលបច្ចុប្បន្ន គឺអ្នកប្រើប្រាស់ត្រូវងាកទៅប្រើ web browser ផ្សេងជំនួស IE ឬបើមិនអីចឹងទេ ត្រូវបិទ (disable) Adobe Flash plug in ព្រោះពួក hacker បានប្រើប្រាស់ corrupted Adobe Flash file មកវាយប្រហារកុំព្យូទ័រអ្នកប្រើប្រាស់។

មេរោគនេះវាយប្រហារលើ IE ដែលមានកំណែប្រែចាប់ពី version 6 ដល់ 11 ប៉ុន្តែវាយលុកជាពិសេសលើ IE 9 និង 10 ស្របពេលដែលក្រុមហ៊ុន Microsoft កំពុងដុតដៃជើងដោះស្រាយបញ្ហាសុវត្ថិភាពនេះសម្រាប់ប្រព័ន្ធប្រតិបត្តិការទាំងអស់ លើកលែងតែ Windows XP។

ក្រុមហ៊ុន FireEye ក៏បានបង្ហាញថា ក្រុម hacker ហៅប្រតិបត្តិការនេះថា “ប្រតិបត្តិការកញ្ជ្រោងសម្ងាត់” ដែលសំដៅវាយប្រហារលើស្ថាប័នយោធា និងហិរញ្ញវត្ថុអាមេរិក។

នៅពេលដែលកុំព្យូទ័រឆ្លងមេរោគហើយ hacker អាចគ្រប់គ្រងលើប្រព័ន្ធកុំព្យូទ័រទាំងស្រុង ពោលគឺអាចដំឡើងកម្មវិធី, មើល កែប្រែ និងលុបទិន្នន័យ ឬបង្កើតគណនីថ្មីក្នុងនាមជា full user rights ៕

អគុណ!

ប្រទេសអង់គ្លេសសហការជាមួយ អាល្លឺម៉ង់បង្កើតប្រព័ន្ធ 5G

By Unknown 0 comments 12:24 AM

យោងតាមគេហទំព័របរទេសចេញផ្សាយកាលពីពេល ថ្មីៗនេះឱ្យដឹងថា ចក្រភពអង់គ្លេស និងអាល្លឺម៉ង់បានរួមសហការគ្នាបង្កើតបណ្តាញទាក់ទង 5G លើទីផ្សារបច្ចេកវិទ្យាទូរស័ព្ទក្នុងពិភពលោក ។ ចក្រភពអង់គ្លេស និងអាល្លឺម៉ង់បានព្រមព្រៀងគ្នាលើកិច្ចសហការមួយក្នុងការ បង្កើតបណ្តាញទាក់ទង 5G ។
ក្រុមអ្នកស្រាវជ្រាវពីសាកលវិទ្យាល័យអាល្លឺម៉ង់ Dresden University និងសាកលវិទ្យាល័យរបស់ចក្រភពអង់គ្លេស King’s College University បានចាត់ទុកថា នេះជាជំហានវិជ្ជមានមួយឆ្ពោះទៅរកការអភិវឌ្ឍលើវិស័យបច្ចេកវិទ្យា ដែលកំពុងទទួលបានការប្រើប្រាស់នៅទូទាំងពិភពលោក មិនត្រឹមតែប៉ុណ្ណោះវាជាចំណងមេត្រីភាពរវាងបណ្តាប្រទេសទាំង2 ចំពោះការផ្តោតលើប្រព័ន្ធទាក់ទងទូរគមនាគមន៍ទៅកាន់សហគមន៍អឺរ៉ុប ក៏ដូចជាបណ្តាប្រទេសមួយចំនួនទៀតផង ។ 5Gនឹងធ្វើឱ្យពិភពលោកទាំងមូលមានការភ្ញាក់ផ្អើលចំពោះល្បឿនដ៏លឿន និងភ្ជាប់ការទាក់ទងបានយ៉ាងឆាប់រហ័សទៅកាន់តំបន់ណាមួយដែលដាច់ ស្រយាល ។ ទោះជាយ៉ាងណាក៏ដោយប្រទេសទាំង២ត្រូវឆ្លងកាត់សហរដ្ឋអាមេរិកក្នុង ការដំឡើងឧបករណ៍បច្ចេកទេសអេឡិកត្រូនិចដើម្បីជាកន្លែងទទួល និងផ្ទុកទិន្នន័យ ក្រៅពីនេះទៀតបណ្តាប្រទេសទាំង២ ត្រូវសុំសិទ្ធិបញ្ជាទិញប្រព័ន្ធទាក់ទងអាមេរិកផងដែរ ។
គម្រោងមួយនេះចំណាយទឹកប្រាក់រហូតដល់១២២លានដុល្លារ ។ ទោះជាយ៉ាងណាក៏ដោយពុំមានព័ត៌មានណាមួយដែលលើកឡើងពីពេលវេលា ច្បាស់លាស់ក្នុងការបញ្ចប់លើគម្រោងមួយនេះទេ តែវាត្រូវគេមើលឃើញថាជាអាជីវកម្មឥតព្រំដែនរវាងបណ្តាប្រទេសទាំង ២ ៕

ម៉ាស៊ីនតូចទំនើបប្រែក្លាយទឹកទៅជាស្រា សម្រាប់ផលិតទទួលទានដោយខ្លួនឯង

By Unknown 0 comments 5:00 AM

យោងតាមគេហទំព័របរទេសចេញផ្សាយកាលពីពេល ថ្មីៗនេះឱ្យដឹងថា ឧបករណ៍អេឡិចត្រូនិកឈ្មោះ The Miracle Machine អាចប្រែក្លាយទឹកធម្មតាទៅជាស្រា ។ ម៉ាស៊ីនមួយប្រភេទនេះបង្កើតឡើងដោយបំពាក់សមត្ថភាពពិសេសមួយចំនួនដូចជា បន្ទះអេឡិចត្រូនិកSensor ឧបករណ៍លាយបញ្ចូលគ្នា ម៉ាសីុនកម្ដៅ និងឧបករណ៍បូមចម្រោះ ។

អ្នកប្រើប្រាស់គ្រាន់តែចាក់ទឹកធម្មតា និងកញ្ចប់មេស្រា រួមជាមួយគ្រឿងផ្សំផ្សេងទៀតចូលទៅក្នុងបំពង់កែវ រួចទុករយៈពេលបីថ្ងៃឱ្យម៉ាសីុនដ៏អស្ចារ្យនេះដំណើរការជាស្វ័យប្រវត្តិដើម្បីផលិតស្រា ។

ម៉ាស៊ីនមួយនេះបង្កើតឡើងដោយអ្នកជំនាញពីររូប គឺលោកPhilip James ជនជាតិអង់គ្លេសដែលបានធ្វើការក្នុងរោងចក្រស្រាអស់រយៈពេល១០ឆ្នាំ និងលោកKevin Bpyer ជនជាតិអាមេរិកដែលបានធ្វើការក្នុងភោជនីយដ្ឋាននិងជាអ្នកត្រួតពិនិត្យគុណភាពស្រា ។ លោក Boyer និយាយថា លោកប្រើប្រាស់បច្ចេកវិទ្យាដោយរួមបញ្ចូលដោយរសជាតិស្រាដ៏ពេញនិយមលើទីផ្សារក្នុងពេលបច្ចុប្បន្ន ។ ចំពោះគុណភាពស្រាដែលបានមកពីការច្រោះចេញ គឺមានរសជាតិដូចស្រា ពិតៗ ដែលអាចនិយាយបានថា វាជាម៉ាសីុនដ៏ទំនើបម្យ៉ាង ។

ម៉ាស៊ីនផលិតស្រានេះមានតម្លៃ៤១៥,៦១ ដុល្លារអាមេរិក ។ ចំណែកឯសមាសធាតុផ្សំសម្រាប់ផលិតជាស្រាក្នុង១ដបមានតម្លៃ២០ដុល្លារ ។ នេះជាការច្នៃប្រឌិតមួយក្នុងការជួយសម្រាលការងារទូទៅមួយចំនួន ជាពិសេសអ្នកមានចំណង់ចំណូលចិត្តទទួលទានស្រា ម្យ៉ាងវិញទៀតវាជាវិធីដ៏ងាយស្រួលក្នុងការលាយរសជាតិស្រាដែលខ្លួនពេញចិត្ត ៕

ក្រុមបៀលប្រាយជួបក្រុមអគ្គស្នងការដ្ឋាននគរបាលជាតិប្រជែងគ្នាយកតំណែងជើងឯក Hun Sen Cup 2014

By Unknown 0 comments 8:10 AM

រាជធានីភ្នំពេញ ៖ ការប្រកួតវគ្គពាក់កណ្តាលផ្តាច់ព្រ័ត្រពានរង្វាន់បាល់ទាត់ Hun Sen Cup លើកទី៨ ឆ្នាំ២០១៣ កាលពីល្ងាចថ្ងៃអាទិត្យ ទី៩ មីនា ក្រុមខ្លាំងប្រចាំខេត្តកំពង់ចាម ចម្ការកៅស៊ូបឹងកេត និងអតីតក្រុមការពារតំណែងជើងឯក ណាហ្គាខប បានធ្លាក់ និងគ្មានឱកាសប្រកួតប្រជែងដណ្តើមកៅអីជើងឯករដូវកាលថ្មីនេះបានឡើយ ក្រោយពីប្រកួតចាញ់ក្រុមអគ្គស្នងការដ្ឋាននគរបាលជាតិ និងក្រុមបៀលប្រាយយូណាយធីត ក្នុងលទ្ធផលបច្ចេកទេស០-១ដូចគ្នា លើទីលានពហុកីឡដ្ឋានជាតិតែមួយ ។

ក្រុមបឹងកេត បានធ្វើឱ្យអ្នកគាំទ្ររបស់ខ្លួន ដែលបានមកទស្សនាការប្រកួតផ្ទាល់នៅពហុកីឡដ្ឋានជាតិជាច្រើននាក់ ខកចិត្តយ៉ាងខ្លាំង ដោយសារមិនអាចធ្វើអ្វីក្រុមបៀលប្រាយ បានឡើយ ផ្ទុយទៅវិញបែរជាត្រូវបៀលប្រាយទម្លាក់យ៉ាងអាម៉ាស់មុខទៀតផង ។ ប្រកួតក្នុងតង់ទី១ បៀលប្រាយសហការគ្នាលេងបានយ៉ាងល្អ ដោយមិនបណ្តោយឱ្យបាល់នៅជាប់ជើងកីឡាករក្រុមបឹងកេតស្រួលៗឡើយ ។ ចំពោះឱកាសនៃការស៊ុតបាល់បញ្ចូលទី ក៏ក្រុមបៀលប្រាយមានច្រើនដែរ ប៉ុន្តែធ្វើមិនបានសម្រេចសោះនៅដើមតង់ទី១ ។ ប៉ុន្តែនៅចុងតង់ដដែល ខណៈកីឡាករក្រុមបឹងកេតសម្រុកឡើងទៅលេងខាងលើច្រើនជាងការពារនោះ កីឡាករ ព្រំ ពុទ្ធសិទ្ធី ពាក់អាវលេខ៦ របស់បៀលប្រាយ បានបណ្តើរបាល់ឆ្លងកាត់ខ្សែការពារ រួចស៊ុតបានសម្រេច១គ្រាប់ ដែលជាគ្រាប់បាល់ជ័យជម្នះលើក្រុមបឹងកេតតែម្តង ។

នៅតង់ទី២ ទោះបីជាក្រុមបឹងកេតលេងដាក់គំនាបលើក្រុមបៀលប្រាយយ៉ាងណា ក៏មិនទទួលបានលទ្ធផលអ្វីដែរ ព្រោះកីឡាករក្រុមបៀលប្រាយ បានចុះមកការពារស្ទើរទាំងអស់ទៅហើយ ។ ចប់ការប្រកួត ក្រុមបៀលប្រាយឈ្នះក្រុមបឹងកេត ១-០ ។

ដោយឡែក ការប្រកួតយ៉ាងស្វិតស្វាញរវាងក្រុមអគ្គស្នងការដ្ឋាននគរបាលជាតិ និងក្រុមណាហ្គាខប ក៏បានធ្វើឱ្យអ្នកទស្សនាភ្ញាក់ផ្អើលផងដែរ បន្ទាប់ពីប្រកួតពេញម៉ោង៩០នាទី ក្រុមទាំងពីរមិនអាចរកគ្រាប់បាល់សូម្បី១គ្រាប់ ។ គណៈកម្មការក៏បន្ថែមម៉ោង១៥នាទី ចំនួន២លើកទៀត ដើម្បីកាត់សេចក្តីឱ្យក្រុមទាំង២ ។ ប្រកួតក្នុងម៉ោងបន្ថែម១៥នាទីដំបូង លទ្ធផលស្មើគ្នាដដែល ០ទល់០ ។ លុះចូលដល់ម៉ោងបន្ថែម១៥នាទីលើកទី២ កីឡាករពាក់អាវលេខ១១ ទិត្យ ឌីណា បានរកគ្រាប់បាល់ជ័យជម្នះឱ្យក្រុមអគ្គស្នងការដ្ឋាននគរបាលជាតិ នៅនាទីទី១១៤ ដែលលទ្ធផលនេះគ្មានការប្រែប្រួលទៀតទេ រហូតដល់ចប់ការប្រកួតក្រុមអគ្គស្នងការដ្ឋាននគរបាលជាតិ ឈ្នះក្រុមណាហ្គាខប ១ទល់០ ។

ដូច្នេះក្រុមដែលមានឱកាសឡើងទៅប្រកួតដណ្តើមតំណែងជើងឯកនោះ គឺក្រុមអគ្គស្នងការដ្ឋាននគរបាលជាតិ និងក្រុមបៀលប្រាយយូណាយធីត រីឯក្រុមដែលប្រកួតចាញ់ក្នុងវគ្គ១/២ផ្តាច់ព្រ័ត្រនេះ ត្រូវជួបគ្នាម្តងទៀត ដើម្បីដណ្តើមយកចំណាត់ថ្នាក់លេខ៣ និងលេខ៤ ពោលគឺក្រុមចម្ការកៅស៊ូបឹងកេត ត្រូវជួបជាមួយក្រុមណាហ្គាខប នៅរសៀលថ្ងៃពុធ ទី១២ ខែមីនា ស្អែកនេះ វេលាម៉ោង១៧ និង៣០នាទី ។ ចំណែកក្រុមអគ្គស្នងការដ្ឋាននគរបាលជាតិ និងក្រុមបៀលប្រាយយូណាយធីត ត្រូវជួបគ្នានៅវេលាម៉ោង១៧ និង៣០នាទី ថ្ងៃសៅរ៍ ទី១៥ ខែមីនា ដើម្បីប្រជែងយកតំណែងជើងឯករដូវកាលថ្មីនេះ នៅពហុកីឡដ្ឋានជាតិអូឡាំពិកដូច គ្នា ៕

កម្ពុជាទទួលបានសិទ្ធិធ្វើជាម្ចាស់ផ្ទះរៀបចំការប្រកួត កីឡាបាល់ទាត់វ័យចំណាស់ប្រចាំឆ្នាំ2014លើកទី6

By Unknown 0 comments 8:41 PM

រាជធានីភ្នំពេញ ៖ នេះជាកិត្តិយសដ៏ធំធេងសម្រាប់ប្រទេសកម្ពុជា និងជាសញ្ញាវិជ្ជមានមួយបង្ហាញឱ្យឃើញថា វិស័យកីឡាបាល់ទាត់កម្ពុជា កំពុងបោះជំហានទៅមុខគួរឱ្យភ្ញាក់ផ្អើល ដោយអ្នកតំណាងមកពីក្លិបកីឡាបាល់ទាត់ IFC ប្រទេសម៉ាឡេស៊ី បានប្រកាសឱ្យដឹងថា ប្រទេសកម្ពុជាត្រូវបានជ្រើសរើសឱ្យធ្វើជាម្ចាស់ផ្ទះរៀបចំព្រឹត្តិការណ៍ប្រកួតកីឡាបាល់ទាត់វ័យចំណាស់ប្រចាំឆ្នាំ២០១៤ លើកទី៦ (Sixth Annual Veterans 9s Tournament) ចាប់ពីថ្ងៃទី១២ រហូតដល់ថ្ងៃទី១៤ ខែកញ្ញា ឆ្នាំ២០១៤ ខាងមុខនេះ ។ ការប្រកាសនេះធ្វើឡើងនៅក្នុងសន្និសីទកាសែតកាលពីរសៀលថ្ងៃអង្គារ ទី៤ ខែមីនា ឆ្នាំ២០១៤ នៅក្នុងការិយាល័យក្រុមហ៊ុន ASKAP Gold Investment ដោយមានការចូលរួមពីលោក Stephan Krupa ជាប្រធានក្លិបកីឡាបាល់ទាត់ IFC នៅប្រទេសម៉ាឡេស៊ី ។

លោកវ៉ាត់ ចំរើន អគ្គលេខាធិការនៃគណៈកម្មាធិការជាតិអូឡាំពិកកម្ពុជា បានមានប្រសាសន៍ឱ្យដឹងថា នេះគឺជាកិត្តិយសមួយដ៏ធំធេងសម្រាប់ព្រះរាជាណាចក្រកម្ពុជា ហើយក៏ជាសញ្ញាវិជ្ជមានមួយដែលបង្ហាញឱ្យយើងឃើញថា វិស័យកីឡាបាល់ទាត់ក្នុងប្រទេសកម្ពុជាកំពុងបោះជំហានឆ្ពោះទៅរកភាពរីកចម្រើនខ្លាំងឡើងៗហើយ ។ លោកបន្តថា ពិតប្រាកដណាស់ ព្រឹត្តិការណ៍ប្រកួតបាល់ទាត់លក្ខណៈអន្តរជាតិនេះ មិនមែនគ្រាន់តែជាព្រឹតិ្តការណ៍កីឡាប៉ុណ្ណោះទេ ប៉ុន្តែវាក៏ជាការចែករំលែក និងផ្លាស់ប្តូរវប្បធម៌ពីប្រទេសមួយទៅប្រទេសមួយ និងបទពិសោធន៍ពីគ្នាទៅវិញទៅមក ជាពិសេសទៀតនោះ វិស័យទេសចរណ៍បានផ្សារភ្ជាប់ទៅនឹងកីឡាផងដែរ ។

លោករិទ្ធី សំណាង សមាជិកសហព័ន្ធកីឡាបាល់ទាត់កម្ពុជាបានថ្លែងឱ្យដឹងថា ការទទួលបានសិទ្ធិធ្វើជាម្ចាស់ផ្ទះរៀបចំការប្រកួតកីឡាបាល់ទាត់វ័យចាស់ខាងលើនេះ គឺជាឱកាសដែលយើងត្រូវបង្ហាញពីវប្បធម៌របស់ខ្លួនទៅឱ្យពិភពលោកបានស្គាល់តាមរយៈក្រុមបាល់ទាត់មកពីអាហ្វ្រិក, អាមេរិក, ប្រេស៊ីល, អឺរ៉ុប និងប្រទេសផ្សេងៗទៀត ។ នេះគឺជាព្រឹត្តិការណ៍មួយដែលទាក់ទាញខ្លាំងបំផុតពីអ្នកស្នេហាវិស័យកីឡាបាល់ទាត់ជុំវិញពិភពលោក ។ លោកបន្តថា លោកគ្រោងអញ្ជើញអតីតកីឡាករជម្រើសជាតិវ័យចាស់ៗរបស់កម្ពុជាប្រមូលផ្តុំគ្នាឡើងវិញ ដោយសម្រាប់កម្ពុជា គឺត្រូវបានផ្តល់ឱ្យចំនួន២ក្រុម ។ មួយវិញទៀតនោះ ក៏ជាការលើកទឹកចិត្តឱ្យកីឡាករក្មេងជំនាន់ក្រោយមានមោទនភាព និងដឹងថា ទោះជាពួកគេចម្រើនដល់វ័យចាស់ ក៏នៅតែអាចប្រឡូកក្នុងវិស័យកីឡាបានដដែល ។

សូមបញ្ជាក់ថា ការប្រកួតកីឡាបាល់ទាត់វ័យចំណាស់លើកទី៦ នេះ នឹងចាប់ផ្តើមប្រកួតនៅថ្ងៃទី១២ រហូតដល់ថ្ងៃទី១៤ ខែកញ្ញា ឆ្នាំ២០១៤ ខាងមុខនេះ ដោយមានក្លិបបាល់ទាត់ចំនួន១៨ក្រុម ដោយក្នុង១ក្រុមមានកីឡាករចំនួន៩នាក់មកពីជុំវិញពិភពលោកចូលរួមប្រកួតនៅលើទីលានស្តាតចាស់ ។ ចំពោះកីឡាករដែលអាចចូលរួមបាន គឺត្រូវកំណត់អាយុចាប់ពី៤០ឆ្នាំឡើងទៅ ។

គួររំឭកថា កាលពីឆ្នាំ២០១៣ ព្រឹត្តិការណ៍អន្តរជាតិខាងលើនេះបានធ្វើឡើងនៅទីក្រុងប៉ាត់តាយ៉ា ប្រទេសថៃ ក្រោមប្រធានបទ «ពិភពនៃភាពរីករាយ និងការកម្សាន្តសប្បាយ» ដោយទទួលបានភាពជោគជ័យយ៉ាងខ្លាំងតាមរយៈការជួយជ្រោមជ្រែងពីអាជ្ញាធរប្រចាំតំបន់ ៕

ក្រុមហ៊ុន Nokia បង្ហាញ Android Smartphone Nokia X

By Unknown 0 comments 7:43 PM

យោងតាមគេហទំព័របច្ចេកវិទ្យាចេញផ្សាយកាលពីពេល ថ្មីៗនេះ បានឱ្យដឹងថា ក្រុមហ៊ុន Nokia នឹងផលិតទូរស័ព្ទ Smartphone ប្រើប្រាស់ប្រព័ន្ធ Android ជាលើកដំបូងរបស់ខ្លួន គឺ«Nokia X» ។ លក្ខណៈពិសេសរបស់វា គឺទំហំអេក្រង់៤អីុញ កម្រិតធ្វើភ្លឺច្បាស់ ៨០០x៤៨០ WVGA ប្រភេទ Processor Snapdragon dual-core ប្រើប្រាស់ល្បឿន ១GHz កាមេរ៉ា ៥មេ៉ហ្គាភិចស៊ែល និងទំហំ RAM ៥១២GB រួមជាមួយនឹងប្រភេទកាត memory microSD ។

ចំណែកឯសមាសភាពថ្ម គឺ១៥០០mAh។ មិនត្រឹមតែប៉ុណ្ណោះផលិតផលមួយនេះ អាចប្រើប្រាស់ស៊ីមបាន២ទៀតផង ។ អ្វីដែលកាន់តែពិសេសជាងនេះទៅទៀតនោះ គឺវាគាំទ្រដោយប្រព័ន្ធ Android 4.4 Kitkat បណ្តាញភ្ជាប់ការទាក់ទងរួមមាន 3G, Wi-Fi, Bluetooth, GPRS, EDFE, AGPS និង Micro-USB ទៀតផង ។ Nokia X មួយនេះនឹងរំលេចខ្លួនជាមួយពណ៌ដ៏ស្រស់ស្អាតទាំង៦ គឺពណ៌ក្រហម លឿង បៃតង ស ខៀវ និងពណ៌ខ្មៅ ។ ចំពោះតម្លៃរបស់វាវិញ ក្រុមហ៊ុន Nokia មិនទាន់បង្ហើបឱ្យដឹងទេ តែទោះជាយ៉ាងណាក៏ដោយ ក្រុមហ៊ុនមួយនេះនឹងធានាចំពោះតម្លៃដ៏សមរម្យចំពោះផលិតផលជំនាន់ថ្មីមួយនេះ ។

Nokia X នឹងត្រូវបានប្រកាសជាផ្លូវការនៅក្នុងមហាសន្និបាតស្តីពីទូរស័ព្ទពិភពលោកនាពេលខាងមុខនេះ ៕

Facebookបង្កើតកម្មវិធីសម្រាប់ឱ្យអ្នកប្រើប្រាស់ជ្រើសរើសភេទ

By Unknown 0 comments 7:37 PM

យោងតាមគេហទំព័របរទេសចេញផ្សាយកាលពីពេល ថ្មីៗនេះថា បណ្ដាញសង្គមហ្វេសប៊ុកបានបង្កើតកម្មវិធីបន្ថែមទៀតគឺ«intersex» និង «androgynous» សម្រាប់ឱ្យអ្នកប្រើប្រាស់ទាំងអស់ជ្រើសរើសភេទបាន៥០ជម្រើសផ្សេងទៀតក្រៅពីភេទប្រុស និងភេទស្រី ។

លោក Brielle Harrison អ្នកផលិតកម្មវិធី Soft

ware របស់ Facebook និយាយថា «នេះជាការច្នៃប្រឌិតថ្មីរបស់ហ្វេសប៊ុក ដោយបន្ថែមលក្ខណៈជ្រើសរើសភេទដែលខ្លួនពេញចិត្ដដល់អ្នកប្រើប្រាស់ទាំងអស់ជាពិសេសអ្នកកែភេទ»។ លោកបានបន្ថែមទៀតថាចំពោះអត្ថប្រយោជន៍របស់កម្មវិធីនេះគឺបង្ហាញពីសមធម៌យែនឌ័រ ពោលគឺមិនមានការរើសអើងភេទដូចជា ភេទប្រុស ភេទស្រី ជាពិសេសមនុស្សដែលធ្លាប់ប្ដូរភេទពីធម្មជាតិនោះទេ ម៉្យាងវិញទៀតវាបង្កភាពងាយស្រួលចំពោះអ្នកប្រើប្រាស់ទាំងអស់ដែលអាចបង្ហាញពីភេទដែលខ្លួនពេញចិត្ដ១ក្នុងចំណោម៥០ ។

ក្រុមហ៊ុន Facebook អះអាងថា កម្មវិធីមួយនេះនឹងដាក់ឱ្យប្រើប្រាស់លើបណ្ដាញកម្សាន្ដនេះនៅអាមេរិកខាងត្បូង និងចក្រភពអង់គ្លេស ។ សាកលវិទ្យាល័យ thinktank The Williams Institute ស្ថិតក្នុងរដ្ឋកាលីហ្វ៊័រនីញ៉ា បានប៉ាន់ប្រមាណថា ពលរដ្ឋអាមេរិកចំនួន ៧០០.០០០នាក់ភាគច្រើនគឺជាមនុស្សដែលផ្លាស់ប្ដូរភេទ ។

ក្រុមហ៊ុនអះអាងថា ប្រហែល១ភាគរយនៃអ្នកប្រើប្រាស់ប្រព័ន្ធហ្វេសប៊ុកសព្វថ្ងៃនេះមិនបានបង្ហាញអត្ដសញ្ញាណរបស់ពួកគេឱ្យបានច្បាស់លាស់ទេ ។ អ្នកប្រើប្រាស់ទាំងអស់នៅតែរក្សាលក្ខណៈភេទជាឯកជនជានិច្ច ទោះបីជាពួកគេធ្លាប់ផ្លាស់ប្ដូរជាច្រើនលើក ច្រើនសាក៏ដោយ ៕

Juan Mata ទទួលពានរង្វាន់កីឡាករឆ្នើមប្រចាំក្រុមManchester United

By Unknown 0 comments 8:26 PM

កីឡាករ Juan Mata ជនជាតិអេស្ប៉ាញ សម្ដែងការរីករាយ បន្ទាប់ពីទទួលបានពានរង្វាន់ជា កីឡាករឆ្នើមប្រចាំក្រុមបីសាចក្រហម Manchester United សម្រាប់ខែកុម្ភៈ ដែលជាខែដំបូងរបស់គេក្នុងការលេងអោយក្លឹបមួយនេះ។

គេហទំព័រ7msports.com ឲ្យដឹងថា កីឡាករ Juan Mata ដែលជាកីឡាករចំណូលថ្មីរបស់ក្លឹប Manchester United ទទួលបានពានរង្វាន់ជាកីឡាករល្អប្រចាំខែកុម្ភៈ តាមរយៈការបោះឆ្នោតគាំទ្រពី សមាជិកក្លឹប និងអ្នកគាទ្រក្លឹបទាំងមូលជុំវិញពិភពលោក។ Juan Mata បាននិយាយថា រូបលោកពិតជាមានការភ្ញាក់ផ្អើល និងសប្បាយចិត្តដែលលោកត្រូវបានជាប់ឈ្មោះជាកីឡាករលេងល្អរបស់ក្លឹប Man.Utd ប្រចាំខែកុម្ភៈ។

គួរបញ្ជាក់ថា កីឡាករJuan Mata បានផ្លាស់ចេញពីក្លឹបតោខៀវChelsea មកកាន់ក្លឹបManchester United កាលពីខែមករា។ កីឡាករ Juan Mata ដែលមានតម្លៃខ្លួនផ្ទេរមកខ្ពស់ជាងគេ (៣៧លានផោន) សម្រាប់ក្លឹប Man.Utd នៅរដូវកាល ២០១៣-២០១៤នេះ៕

From http://vodhotnews.com/

ឆ្នាំងសាកក្លែងក្លាយសម្រាប់ទូរស័ព្ទអាយហ្វូនឆក់មនុស្សស្លាប់

By Unknown 0 comments 7:44 PM

ការស៊ើបអង្កេតមួយទៅលើករណីបុរសម្នាក់ស្លាប់ក្នុងដំណេក ខណៈបុរសរូបនោះសាកថ្មទូរស័ព្ទ អាយហ្វូនហ្វ័រ បានរកឃើញថា ដោយសារឆ្នាំងសាកទូរសព្ទដែលគាត់ប្រើជារបស់ក្លែងក្លាយ និងឆ្លងចរន្តភ្លើង នេះបើយោងតាមរបាយការណ៍របស់គណកម្មការជាតិផ្នែកប្រព័ន្ធផ្សព្វផ្សាយ និងទូរគមនាគមន៍។

តាមគេហទំព័របាងកកប៉ុស្តិ៍ ដែលផ្សាយកាលពីល្ងាចម្សិលមិញឲ្យដឹងថា បុរសវ័យ២៨ឆ្នាំ ឈ្មោះពិសិដ ឆាងលេក ត្រូវបានរកឃើញថាស្លាប់ដោយខ្សែភ្លើងឆក់។ របាយការណ៍របស់អ្នកស៊ើបអង្កេតឲ្យដឹងថា គេបានរកឃើញស្នាមឆេះលើទ្រូង និងលើដៃសាកសព ដែលកាន់ទូរស័ព្ទអាយហ្វូន។

អគ្គលេខាធិការនៃគណកម្មការជាតិផ្នែកប្រព័ន្ធផ្សព្វផ្សាយ និងទូរគមនាគមន៍ លោកថាកន តានតាស៊ីត ថ្លែងថា តំណាងមកពីក្រុមហ៊ុនអេបផល អ៊ីងគ៍ និងអ្នកជំនាញមកពីក្រុមហ៊ុន អេចស្បូរណិន អ៊ីងគ៍ បានធ្វើការសាកពិសោធទៅលើទូរស័ព្ទ និងឆ្នាំងសាកនោះកាលពីថ្ងៃទី១០ ខែមករា។
គេបានរកឃើញថា ឆ្នាំងសាកទូរសព្ទនោះមិនមែនផលិតដោយក្រុមហ៊ុន អេបផល អ៊ីងគ៍ទេ ហើយវាក៏ដោយសារតែមិនមានការការពារបានត្រឹមត្រូវ ឬមិនមានការចម្លងម៉ាសទៅដី។ គេក៏បានរកឃើញផងដែរថា ខ្សែភ្លើងនោះមិនត្រឹមត្រូវតាមស្ដង់ដារទេ។

ទោះបីជាទូរស័ព្ទនោះ ផលិតនៅប្រទេសចិន តែវាបានឆ្លងកាត់ការត្រួតពិនិត្យដោយក្រុមហ៊ុនដើម ហើយវាមានដំណើរការជាធម្មតា។
លោកថាកន ថ្លែងថា ការស្លាប់របស់ពិសិដ គឺដោយសារតែឆ្នាំងសាកទូរស័ព្ទ និងខ្សែភ្លើង មិនត្រឹមត្រូវតាមលក្ខណៈបច្ចេកទេស។ លោកបន្ថែមថា ការស្លាប់នេះ ក៏ជាមេរៀនមួយ សម្រាប់អ្នកប្រើប្រាស់ទូរសព្ទដៃផ្សេងៗទៀត ដែលពួកគេត្រូវតែទិញតែផលិតផលណាដែលមានការត្រួតពិនិត្យបច្ចេកទេសដោយទីភ្នាក់ងាររបស់ក្រុមហ៊ុន៕

From :http://vodhotnews.com/

រកឃើញបំណែក២ដុំ លើផ្ទៃសមុទ្រ សង្ស័យបំណែកយន្តហោះ របស់ម៉ាឡេស៊ី

By Unknown 0 comments 6:57 PM

វៀតណាម៖ ក្រុមអ្នករុករករបស់វៀតណាម បានរក ឃើញបំណែក កម្ទេចកម្ទី ចំនួន២ដុំ សង្ស័យជាបំណែកយន្ត ហោះប៊ូអ៊ីង ៧៧៧ របស់ក្រុមហ៊ុនអាកាសចរណ៍ម៉ាឡេស៊ី ដែលកំពុងបាត់ដំណងឹងនោះ។ នេះបើយោងតាម Chan nel News Asia ចេញផ្សាយនៅយប់ថ្ងៃទី ០៩ ខែកុម្ភៈ ឆ្នាំ២០១៤។

តែទោះបីជាយ៉ាងបំណែកដែលគេរកឃើញនោះ មិនទាន់មានការបញ្ជាក់ពីមន្រ្តីអាកាសចរណ៍របស់ម៉ាឡេស៊ី ដោយគេរង់ចាំការធ្វើពិសោធន៍បញ្ជាក់សិន ហើយលទ្ធផលអាចនឹងត្រូវបានបង្ហាញនាព្រឹកថ្ងៃចន្ទ ទី១០ ខែមីនា ឆ្នាំ២០១៤នេះ៕

ព័ត៏មានលំអិតចូលទៅកាន់ http://www.dap-news.com/

សុខៗក្រុមហ៊ុន Pioneer កំពុងសម្ងំផលិតឌីស Blu-ray មានទំហំដល់ទៅ 512GB

ក្រុនហ៊ុន Microsoft បើកមជ្ឈមណ្ឌលស្រាវជ្រាវច្នៃបង្កើតថ្មីក្នុងក្រុង Miami ដំបូងគេ

សហរដ្ឋអាមេរិកប្រកាសឲ្យផ្អាកប្រើកម្មវិធី Internet Explorer ព្រោះមេរោគវាយប្រហារខ្លាំងពេក

ប្រទេសអង់គ្លេសសហការជាមួយ អាល្លឺម៉ង់បង្កើតប្រព័ន្ធ 5G

ម៉ាស៊ីនតូចទំនើបប្រែក្លាយទឹកទៅជាស្រា សម្រាប់ផលិតទទួលទានដោយខ្លួនឯង

ក្រុមបៀលប្រាយជួបក្រុមអគ្គស្នងការដ្ឋាននគរបាលជាតិប្រជែងគ្នាយកតំណែងជើងឯក Hun Sen Cup 2014

កម្ពុជាទទួលបានសិទ្ធិធ្វើជាម្ចាស់ផ្ទះរៀបចំការប្រកួត កីឡាបាល់ទាត់វ័យចំណាស់ប្រចាំឆ្នាំ2014លើកទី6

ក្រុមហ៊ុន Nokia បង្ហាញ Android Smartphone Nokia X

Facebookបង្កើតកម្មវិធីសម្រាប់ឱ្យអ្នកប្រើប្រាស់ជ្រើសរើសភេទ

Juan Mata ទទួលពានរង្វាន់កីឡាករឆ្នើមប្រចាំក្រុមManchester United

ឆ្នាំងសាកក្លែងក្លាយសម្រាប់ទូរស័ព្ទអាយហ្វូនឆក់មនុស្សស្លាប់

រកឃើញបំណែក២ដុំ លើផ្ទៃសមុទ្រ សង្ស័យបំណែកយន្តហោះ របស់ម៉ាឡេស៊ី

Khmer National Song Respect

Visitors

Popular Post

About Me

Partner

Banner1

Banner2

Banner3

Banner4