Juan Mata ទទួលពាន​រង្វាន់​កីឡាករ​ឆ្នើម​ប្រចាំ​ក្រុម​Manchester United​

កីឡាករ Juan Mata ជនជាតិ​អេ​ស្ប៉ា​ញ សម្ដែង​ការរីករាយ បន្ទាប់ពី​ទទួលបាន​ពានរង្វាន់​ជា កីឡាករ​ឆ្នើម​ប្រចាំ​ក្រុម​បី​សាច​ក្រហម Manchester United សម្រាប់​ខែ​កុម្ភៈ ដែល​ជា​ខែ​ដំបូង​របស់​គេ​ក្នុង​ការលេង​អោយ​ក្លឹប​មួយ​នេះ​។​

​គេហទំព័រ​7msports.com ឲ្យដឹងថា កីឡាករ Juan Mata ដែល​ជា​កីឡាករ​ចំណូល​ថ្មី​របស់​ក្លឹប Manchester United ទទួលបាន​ពានរង្វាន់​ជា​កីឡាករ​ល្អ​ប្រចាំ​ខែ​កុម្ភៈ តាមរយៈ​ការបោះឆ្នោត​គាំទ្រ​ពី សមាជិក​ក្លឹប និង​អ្នក​គា​ទ្រ​ក្លឹប​ទាំងមូល​ជុំវិញ​ពិភពលោក​។ Juan Mata បាន​និយាយថា រូប​លោក​ពិតជា​មាន​កា​រ​ភ្ញាក់ផ្អើល និង​សប្បាយ​ចិត្ត​ដែល​លោក​ត្រូវ​បាន​ជាប់​ឈ្មោះ​ជា​កីឡាករ​លេង​ល្អ​របស់​ក្លឹប Man.Utd ប្រចាំ​ខែ​កុម្ភៈ​។​

​គួរបញ្ជាក់​ថា កីឡាករ​Juan Mata បាន​ផ្លាស់​ចេញ​ពី​ក្លឹប​តោ​ខៀវ​Chelsea មកកាន់​ក្លឹប​Manchester United កាលពី​ខែ​មករា​។ កីឡាករ Juan Mata ដែល​មាន​តម្លៃ​ខ្លួន​ផ្ទេរ​មក​ខ្ពស់​ជាងគេ (៣៧​លាន​ផោន​) សម្រាប់​ក្លឹប Man.Utd នៅ​រដូវ​កាល ២០១៣-២០១៤​នេះ​៕

From http://vodhotnews.com/